Greinasafn fyrir flokkinn: Fréttir

FW: DEADLINE EXTENDED: SLSAeu conference – June 2018 Copenhagen

Áframsendi þetta fyrirlestrarkall frá Jens Hauser – ef einhver stundar rannsóknir á grænum lit er þetta tækifæri til að koma þeim á framfæri.

Dear colleagues and friends,

we have now updated the ‘green’ SLSA conference website and CFP and extended the deadline until January 18 !

green-slsa2018.ku.dk

So take advantage to suggest streams, panels and other academic or artistic contribution relevant to your own research, spread this information via your networks, and distribute the new CFP .

We have the privilege to host the European conference of the Society for Literature, Science and the Arts (SLSA) at the University of Copenhagen from June 13 to 16 2018 with the topic of GREEN (un-green & prismatic welcome) that can be interpreted in the broadest sense according to your discipline.

The event is organised conjunctly by the Department of Arts and Cultural Studies, the Faculty of Health and Medical Sciences/ Medical Museion and (OU)VERT.The main conference site will be UCPH’s Southern Humanities campus.

The conference has got further support from institutions and foundations, especially from Novo Nordisk and Carlsberg, and both Goethe Institut and Institut Français will grant support as well. We have been able to confirm additional evening events with Medical Museion and the Statens Museum for Kunst for a ‘green’ Friday evening , so we are looking at excellent conditions to welcome our colleagues.

For those who are not yet familiar with the SLSA:

The SLSAeu is the sister organisation of the international USA-based Society for Literature, Science and the Arts. It welcomes colleagues in the humanities, the social sciences, the arts, all fields of science, medicine, engineering, computer sciences as well as independent scholars, artists and scientists, and explicitly promotes inter- and trans-disciplinary exchange between literature, the arts, the natural sciences, medicine and technology.

The SLSAeu Conference 2018 is centered on the theme of green, providing a resolutely cross-disciplinary platform to explore one of the most pervasive and broadest tropes of our times. Alongside this central theme, the organizers also welcome provocatively un green and prismatic proposals from experts in all academic disciplines and professional fields.
The 4-5 keynote speakers will be announced in January.

Practical questions and stream or panel suggestions can be addressed to:
slsa-green@hum.ku.dk <mailto:slsa-green@hum.ku.dk>

Facebook: www.facebook.com/events/128056007877154/

Looking forward to your submissions and suggestions!

Kind regards,

Jens Hauser

Jens Hauser
Postdoc

University of Copenhagen
Københavns Universitet

Department of Arts and Cultural Studies
Institut for Kunst- og Kulturvidenskab
Karen Blixens Vej 1
Office 21.4.25
DK-2300 København S
Denmark

Faculty of Health and Medical Sciences – Medical Museion
Det Sundhedsvidenskabelige Fakultet – Medicinsk Museion
Fredericiagade 18
DK-1310 København K
Denmark

+45 5130 1128
hauser@hum.ku.dk <mailto:zqx635@hum.ku.dk>
www.artsandculturalstudies.ku.dk
www.museion.ku.dk

(OU)VERT – An interdisciplinary mapping of green as medium
www.ou-vert.ku.dk

SLSA June 2018
green-slsa2018.ku.dk

Miðill-efni-merking: Leiðangur að list Önnu Líndal

„Miðill – Efni – Merking: Leiðangur að list Önnu Líndal “ er heiti fyrirlestrar Ólafar K. Sigurðardóttur safnstjóra Listasafns Reykjavíkur, sem fer fram í Safnahúsinu við Hverfisgötu, miðvikudaginn 6. desember kl. 12. Ólöf er sýningarstjóri yfirlitssýningarinnar Leiðangur á verkum Önnu Líndal, sem nú stendur yfir í Listasafni Reykjavíkur á Kjarvalsstöðum.

Anna Líndal á að baki tæplega þrjátíu ára myndlistarferil og er sýningunni á Kjarvalsstöðum ætlað að greina feril hennar, innra samhengi verkanna og vísanir til samfélagslegra viðfangsefna. Ólöf mun fjalla um aðdraganda og markmið sýningarinnar og rekja hvernig Anna hefur notað ólíka miðla til að til að nálgast viðfangsefni sín þar sem sjónræn framsetning, viðfangsefni og merking haldast í hendur. Ólöf er safnstjóri Listasafns Reykjavíkur og var áður forstöðumaður Hafnarborgar. Hún stýrði um árabil fræðsludeild Listasafns Reykjavíkur þar sem hún hafði m.a. umsjón með málþingum og fyrirlestrum. Ólöf hefur stýrt fjölda sýninga, ritað greinar og haft umsjón með útgáfum um íslenska myndlist.

 

Yfirskrift fyrirlestrarraðarinnar sem Listfræðafélagið stendur fyrir í samvinnu við Safnahúsið nú í haust er Miðill – Efni – Merking. Velt verður upp þverfaglegum spurningum um listhugtakið, miðlun myndlistar, og hvaða merkingu hún hefur á tímum þegar málverk getur verð meira en litur á tvívíðum fleti og hópar sem hafa verið á jöðrum listasögunnar sækja að miðjunni.

Leiðsögn með Brynhildi á sunnudaginn

Verulegar
Leiðsögn með Brynhildi
19. nóvember kl. 15:00
Brynhildur Þorgeirsdóttir mun segja frá verkum sínum á sýningunni Verulegar, Brynhildur Þorgeirsdóttir · Guðrún Tryggvadóttir, sem nú stendur í Listasafni Árnesinga í Hveragerði.
Brynhildur vinnur skúlptúra og aðal efniviður hennar er steinsteypa og gler sem verður að forvitnilegum verum og fjöllum. Brynhildur lauk námi frá Myndlista- og handíðaskóla Íslands 1979, en fór síðan í framhaldsnám við Gerrit Rietveld Akademíuna í Hollandi, Orrefors glerskólann í Svíþjóð, Listaháskóla í Kaliforníu og Pilchuck Glerskólann í Washington-ríki í Bandaríkjunum og þar hefur hún sinnt kennslu nokkur undanfarin ár. Frá upphafi ferils síns hefur Brynhildur verið í framvarðarsveit íslenskra myndhöggvara og var formaður Myndhöggvarafélagsins 1992-95. Verk hennar hafa verið sýnd víða s.s. í Evrópu, Japan og Bandaríkjunum og hún hefur hlotið ýmsar viðurkenningar fyrir verk sín, sem víða má finna bæði innan- og utandyra á opinberum stöðum, innanlands sem erlendis.
Á sýningunni er sjónum beint að viðamiklum listferli þeirra Brynhildar og Guðrúnar, sem gerðu sig gildandi á vettvangi myndlistar í kjölfar umbrotatíma áttunda áratugs síðustu aldar. Verk þeirra sáust fyrst opinberlega saman á listahátíðinni Gullströndin andar snemma árs 1983 í Reykjavík, hátíð sem í dag er sveipuð goðsagnalegum blæ í hugum margra. Nú tæpum þrjátíu og fimm árum síðar gefst tækifæri til þess að fá innsýn í það sem þær voru að fást við þá og bera það saman við það sem þær eru að fást við í dag. Flest verkanna á sýningunni í Listasafni Árnesinga eru unnin á síðustu þremur árum.
Á sunnudaginn gefst tilvalið tækifæri að kynnast verkum Brynhildar og starfsaðferðum í samtali við listamanninn.
Verið velkomin.

Inga Jónsdóttir safnstjóri
Listasafn Árnesinga
Austurmörk 21, 810 Hveragerði
Sími: 483 1727 / 895 1369
www.listasafnarnesinga.is

Erindi um útisýningarnar í kvöld

Kæru félagar í Listfræðafélaginu,
Í kvöld kl 20 er áhugaverður viðburður um útisýningarnar á Skólavörðuholti í Hafnarhúsinu. Þær vöktu gríðarmikið umtal á sínum tíma og enn er vitnað til þeirra í dag. Fimmtíu ár eru frá fyrstu sýningunni en alls urðu þær fimm talsins og voru haldnar að frumkvæði Myndlistaskólans í Reykjavík. Skólinn fagnar nú sjötíu ára afmæli og af því tilefni er komin út bókin *Útisýningar á Skólavörðuholti 1967-1972*.
Inga S. Ragnarsdóttir, ritstjóri bókarinnar, fjallar um sýningarnar í máli og myndum. Listamenn sem þekkja sögu þeirra, aðdraganda og áhrif, taka þátt í umræðum. Frábær kvöldstund til þess að kynnast þessum mikilvæga hlekk í listasögunni.
listasafnreykjavikur.is/vi%C3%B0burdir/fyrirlestur-og-umraedur-utisyningar-skolavorduholti-1967-1972

Persónusaga – Þjóðarsaga?

Listasafn Reykjavíkur efnir til ráðstefnu á Kjarvalsstöðum þann16. nóvember um einstaklingssöfn í opinberri vörslu undir yfirskriftinni Persónusaga – Þjóðarsaga?

Á ráðstefnunni verður rædd staða einkasafna sem hluta af íslenskri safnaflóru. Tilgangurinn er meðal annars sá að greina hvaða starfsemi er í kringum slík söfn, hvernig þeim er haldið lifandi og hvort að þau styrki eða skekki safneignir einstakra safna og hvaða áhrif tilvist þeirra hefur á listasöguna.

Ráðstefnan er haldin í samstarfi við Rannsóknarsetur í safnafræðum og flytja fulltrúar frá mörgum af helstu listasöfnum landsins erindi. Flutt verða erindi um tilvist slíkra safna utan höfuðborgarsvæðisins og um það hvernig einstaklingar takast á við það hlutverk að eignast arfleið listamanns sem getur talist þjóðarafur. Aðalfyrirlestur flytur Onita Wass safnstjóri Millesgården í Stokkhólmi sem er einstaklingssafn myndhöggvarans Carl Milles (1875-1955) eins lærimeistara Ásmundar Sveinssonar.

Skráning HÉR
DAGSKRÁ:

Ólöf Kristín Sigurðardóttir safnstjóri – Listasafn Reykjavíkur
Opnunarávarp

Onita Wass safnstjóri – Millesgården, Stokkhólmi
Millesgården an artist home from the 1900´s into the 20th century

Sigurður Trausti Traustason deildarstjóri safneignar og rannsókna – Listasafn Reykjavíkur
Einstaklingssöfn innan Listasafns Reykjavíkur í fortíð, nútíð og framtíð

HÁDEGISHLÉ

Sigurjón Baldur Hafsteinsson prófessor – Rannsóknarsetur í safnafræðum
Safnafræði um einkasöfn og hið opinbera

Sigríður Melrós Ólafsdóttir safnstjóri – Listasafn Einars Jónssonar
Hnitbjörg falinn fjársjóður?

Kristín Dagmar Jóhannesdóttir safnstjóri – Gerðarsafn – Listasafn Kópavogs

Listasafn Íslands

KAFFIHLÉ

Halla Hauksdóttir stjórnarformaður – Listaverkasafn Valtýs Péturssonar
Að sitja uppi með fjársjóð

Hanna Dís Whitehead – Listasafn Svavars Guðnasonar

UMRÆÐUR, RÁÐSTEFNUSLIT OG LÉTTAR VEITINGAR

MIÐILL – EFNI – MERKING: MOMENTUM 9 – ALIENATION 🗓

„Momentum 9 – Alienation“ er heiti fyrirlestrar Jóns B. K. Ransu sem fer fram í Safnahúsinu við Hverfisgötu, miðvikudaginn 1. nóvember kl. 12. Ransu var einn af fimm sýningarstjórum Momentum tvíæringsins sem lauk nú í október í Moss í Noregi. Momentum er einhver stærsta sýning á samtímamyndlist á Norðurlöndunum.

Ransu mun fara yfir sýninguna í máli og myndum og fjalla um þá listamenn sem tóku þátt ásamt því að fjalla um vinnuferli sýningarstjóranna í aðdraganda sýningarinnar.

Ransu er myndlistarmaður og deildarstjóri við Listmálaradeild Myndlistaskólans í Reykjavík, en hefur áður kennt við Listaháskóla Íslands. Hann hefur tekið að sér sýningarstjórn fyrir söfn og gallerí, eins og Listasafn Íslands, Listasafn Reykajavíkur og Nýlistasafnið. Hann var myndlistargagnrýnandi Morgunblaðsins um árabil og hefur gefið út bækur og skrifað um myndlist í sýningarskrár og fræðitímarit á Íslandi og erlendis.

Yfirskrift fyrirlestrarraðarinnar sem Listfræðafélagið stendur fyrir í samvinnu við Safnahúsið nú í haust er Miðill – Efni – Merking. Velt verður upp þverfaglegum spurningum um listhugtakið, miðlun myndlistar, og hvaða merkingu hún hefur á tímum þegar málverk getur verð meira en litur á tvívíðum fleti og hópar sem hafa verið á jöðrum listasögunnar sækja að miðjunni.

MIÐILL – EFNI – MERKING: Kynusli / Genderfuck í Gallerí 78 🗓

Miðvikudaginn 4. október kl. 12:00 mun Magnús Gestsson flytja annan fyrirlestur haustsins í fyrirlestraröðinni Miðill – efni- merking á vegum Listfræðafélagsins í samstarfi við Safnahúsið. Velt verður upp þverfaglegum spurningum um listhugtakið, miðlun myndlistar, og hvaða merkingu hún hefur á tímum þegar málverk getur verið meira en litur á tvívíðum fleti og hópar sem hafa verið á jöðrum listasögunnar sækja að miðjunni.

Titill fyrirlestrarins er Kynusli / Genderfuck í Gallerí 78 og mun Magnús leggja útaf verkum Öldu Villiljóss sem nú sýnir í Gallerí 78.

Yfirskrift fyrirlestrarins vísar í titil sýningarinnar og mikilvægi gallerísins fyrir sýnileika hinseigin myndlistarfólks. Þó þema sýningarinnar gefi til kynna óreiðu og flóknar hugmyndir utan alfaraleiðar miðla ljósmyndir Öldu hlýju, djúpum skilningi á heimi hinsegin fólks og næmu auga háns fyrir hinu óvænta og fagra í fari viðfangsefna sinna sem miðlað er af öryggi og innsæi til þeirra sem kunna að fyllast óöryggi gagnvart heimi sem mörgum er torskilinn. Fyrirlestrinum er ætlað að varpa ljósi á fjölbreytileika lífsins um leið og gerð er grein fyrir menningarlegu gildi verkanna og samhengi ásamt þeim fræðihugmyndum sem búa að baki þeirra.

Magnús Gestsson er stundakennari í listfræði við Háskóla Íslands og lauk doktorsprófi í list- og gallerífræðum frá University of Leicester árið 2009. Auk þess að sinna kennslu hefur hún unnið við sýningastjórn og haldið fyrirlestra um myndlist. Magnús er nú formanneskja Listfræðafélags Íslands.

Boðskort á Útgáfuhóf. Útisýningarnar á Skólavörðuholti 1967-1972

Út er komin bókin Útisýningarnar á Skólavörðuholti 1967-1972 eftir þær Ingu Ragnarsdóttur myndlistarmann og Kristínu G. Guðnadóttur listfræðing. Bókin er gefin út í tilefni þess að 50 ár eru nú liðin frá fyrstu útisýningunni og jafnframt fagnar Myndlistaskólinn í Reykjavík 70 ára afmæli sínu um þessar mundir, en útisýningarnar voru einmitt haldnar að frumkvæði skólans.

Í bókinni er saga sýninganna rakin og sagt frá forsögu þeirra og umhverfinu sem þær spruttu úr. Útisýningarnar voru fyrstu sýningar á skúlptúr sem haldnar voru í opinberu rými á Íslandi og ollu klárum straumhvörfum í umhverfislist og skúlptúr. Sýningarnar ögruðu sannarlega og kveiktu líflegar umræður. Alls tóku rúmlega 40 listamenn þátt í sýningunum fimm, og sýndu þar um 130 verk. Þarna sýndu hlið við hlið virtir myndhöggvarar af eldri kynslóðinni og ungir og róttækir myndlistarmenn. Sýningarnar voru óheflaðar, framsæknar og anarkískar og einkenndust af samvinnu, bjartsýni, sköpunarkrafti, frelsisvitund og gagnrýninni hugsun.

Bókin er búin fjölmörgum ljósmyndum sem fæstar hafa birst áður. Þær eru ómetanlega heimild um þessa gróskutíma. Mörg verkanna sem þarna voru sýnd hafa glatast, enda sum unnin úr forgengilegum efnum.

Útkomu verksins verður fagnað í Ásmundarsal við Freyjugötu laugardaginn 2. september klukkan 16. Að bókinni standa Myndlistaskólinn í Reykjavík, Minningarsjóður um Ragnar Kjartansson, og Myndhöggvarafélagið í Reykjavík.

Bókin er 192 bls., í stóru broti og öll litprentuð.
Arnar Freyr Guðmundsson hannaði útlit bókarinnar.
Sigurður Svavarsson sá um forlagsritstjórn og framleiðslu.
Ritnefnd verksins var skipuð þeim Áslaugu Thorlacius, Ingu S. Ragnarsdóttur, Kristni E. Hrafnssyni og Kristínu G. Guðnadóttur.

MIÐILL – EFNI – MERKING — Ný fyrirlestraröð Listfræðafélags Íslands í Safnahúsinu við Hverfisgötu

Líkt  og undanfarin ár mun Listfræðafélagið standa  fyrir almennum fyrirlestrum um myndlist í samvinnu við Safnahúsið. Markmiðið er að kynna rannsóknir félagsmanna á straumum og stefnum í íslenskri myndlist.

Yfirskrift fyrirlestraraðarinnar fyrir áramót er Miðill – Efni – Merking. Velt verður upp þverfaglegum spurningum um listhugtakið, miðlun myndlistar, og hvaða merkingu hún hefur á tímum þegar málverk getur verð meira en litur á tvívíðum fleti og hópar sem hafa verið á jöðrum listasögunnar sækja að miðjunni.

 

Hlynur Helgason, lektor í listrfræði við Háskóla Íslands, flytur fyrsta fyrirlesturinn miðvikudaginn 6. september. Fyrirlesturinn kemur til með að bera titilinn „Vélráð Ragnars Kjartanssonar“ og þar leggur Hlynur út frá verkum á sýningu Ragnars í Hafnarhúsinu.