Aðalfundur Listfræðafélags Íslands verður haldinn miðvikudaginn 17. maí 2017 kl. 17 í húsnæði SÍM, Hafnarstræti 16, 101 Reykjavík. Að fundi loknum mun Ágústa Kristófersdóttir, forstöðumaður Hafnarborgar, fjalla um verk Egils Sæbjörnssonar Out of controll sem er framlag Íslands til Feneyjartvíæringsins í ár.

Dagskrá aðalfundar er svohljóðandi (í samræmi við lög félagsins):
1. Ársskýrsla stjórnar kynnt og lögð fram til samþykktar.
2. Endurskoðaðir ársreikningar félagsins kynntir og lagðir fram til samþykktar.
(3. Lagabreytingar.)
4. Kjör stjórnar. Kjör tveggja endurskoðenda reikninga.
5. Ákvörðun árgjalds fyrir næsta starfsár.
6. Önnur mál.

Um lið 3.
Engar tillögur að lagabreytingum liggja fyrir þannig að sá liður fellur niður.

Um lið 4.
Stjórn félagsins er skipuð formanni, gjaldkera, ritara og tveimur varamönnum. Við viljum hvetja þá félaga sem vilja starfa undir merkjum félagsins og láta gott af sér leiða að bjóða sig fram til stjórnarsetu. Gott væri að vita um slík framboð fyrir fundinn og hvetjum við áhugasama til að hafa samband við formann Hlyn Helgason (hlynurh@hi.is).

Þeir sem vilja vinna að einhverjum sérstökum málefnum innan félagsins eru einnig hvattir til að hafa samband við stjórnina fyrir fundinn.

Að loknum aðalfundi tekur Ágústa til máls og boðið verður uppá léttar veitingar.

Við hvetjum alla félaga til að taka virkan þátt í mótun starfs félagsins og mæta á aðalfund.

Hlynur Helgason, formaður
Aldís Arnardóttir, ritari
Baldvina Sigrún Sverrisdóttir, gjaldkeri
Dagný Heiðdal, varamaður
Magnús Gestsson, varamaður