Nýr vefur Listfræðafélags Íslands

Listfræðafélagið stendur fyrir röð málþinga um listfræði á mörkum myndlistar og rannsókna.

Listfræðafélag Íslands er félag þeirra sem vinna að fræðistörfum - t.d. í listasögu og listheimspeki - eða stjórnun og skipulagi á sviði myndlistar, hönnunar, arkitektúrs og skyldra greina. Hlutverk félagsins er fyrst og fremst að efla umræðu og rannsóknir, útgáfu og menntun á fræðasviðinu.

Nú á vordögum mun félagið standa fyrir röð stuttra málþinga í samvinnu við ýmis önnur félög og stofnanir. Málþingin eru haldin á tveggja vikna fresti og verða nánar kynnt í viðburðadagatalinu.